2015年10月31日 星期六

♥【美食】西式x港式。銅鑼灣西餐大排檔 ♥

大牌檔就是香港的特色,西餐大排檔到底西餐的點在那呢?
LIFT一打開門大家都很驚訝,為什麼有花牌都堆在門口~立即很港味~

看到餐牌有個礦泉水火鍋,火鍋都要用礦泉水,咁搞鬼既
仲要用上本地品牌Bonaqua咁先夠土炮,根據貼心的staff講解
由海鮮->帶子->魚->牛->年糕,每落一道去滾都要跟足次序咁講究



 
入面放在菜底仲加左塊金華火腿(?) 
話明西餐大排檔點嘛…真係估你唔到竟然用48個月黑毛豬火腿wo!
Staff建議我地可以落大廚精心調配既岩鹽,灑小小上去再食
不論魚同牛落左岩鹽真係立即提鮮!我最鐘意食牛同帶子
而落年糕去吸海鮮味,又真係估你唔到打邊爐會有得食年糕…



頭先用左48個月黑毛豬火腿落去做湯底,而家就單食下先~
肉質肥美,脂香豐腴熏香!仲有菠蘿refresh下口感再戰黑毛豬



松露煮日本年糕
頭先既年糕實在唔多夠我既年糕控既朋友
所以我地特登叫多碟松露煮年糕俾佢
我就一般般年糕既本身,不過好鐘意佢d
好香牛油味同香松露味,所以為左d汁都食左幾舊年糕~


黑松露蘑菇湯
頭先個松露年糕不能滿足我呢個黑松露愛好者
就連湯我都放棄左要肉骨茶,揀左呢個湯
一入口同我想像中西餐既湯好唔同,佢係好明顯粗粒既一堆蘑菇
Feel到好多粒堆埋既蘑菇組成,雖然唔同我想要既creamy一樣 不過味道都唔錯既


勁推呢個冷食日本鮑魚配青芥末沙津汁!
無諗過鮑魚點佢調既芥末汁可以咁好食~~
先食一啖鮑魚既鮮味,第二啖就加入嗆口既芥末汁好過引~值得一試!


燒西班牙正宗黑毛豬肋條肉
友善既staff見我地唔知應該點汁定菠蘿先,就跑來教我地點食啦~
呢一餐入面佢地全程都教我地點食法最正,好有耐心!
每食一啖豬肋條肉就要食一啖菠蘿,無咁油膩 wo~~的確係立即減低油膩感
爽口得黎又肉汁好多,唔會燒到乾哂~


燒大蝦上台時,大家都嘩一聲咁大隻既~~
仲好貼心咁介好左,等我地直接夾舊肉就得啦
肉質彈牙又香濃鮮甜味,一人一啖已經好快清左佢啦~


甜品time! 日本進口原隻菠蘿雪葩!
Staff都好老實同我地講佢地呢到甜品大多都係進口貨
唔會呃人話係自己整,咁都係丫~間鋪細細都好難預甜品幾時賣哂
其實係咪自己整or進口都好,味道行先啦緊係~~
我地姐妹一人一舊菠蘿雪葩,超香菠蘿味,雪葩又幼細食落好快溶哂係口到


 
另外,仲叫左個椰子雪糕,又係一款我勁鐘意食既甜品
椰子味濃仲有好香哩拿味,特別係用椰子殼裝住
旁邊仲有生果伴碟,可見有花過心思在餸菜味道以外的用心


草莓專頁開通喇!想關注我更多既消息?快dlike我啦^^
www.facebook.com/BerrysTalk
FB Page: Berry's Talk
這裡可以聯絡我Berry1437@hotmail.com

♥【美食】銅鑼灣Castello 4。超有設計感的鐵城堡裡開餐 ♥


聽朋友講有間餐廳裝修得好有設計感,
野食又唔錯最岩黎食個dinner同飲下野吹下水
地點就係銅鑼灣時代後面條街,上次黎過食24樓既霜月所以都唔難搵
雖然同霜月個鋪size一樣,唔同層唔同餐廳個設計都好煥然一新
好鐘意佢中間個酒吧仔,配埋成個環境裝修得好型格!


 
已經唔記得呢杯叫咩,係朋友叫既
一上台時大家都好好奇呢杯係咩黎,
由一堆棉花糖包圍住既杯再要淋野上去
又可以將棉花糖窒埋落去,又可以單食,又可以呃like 一物幾用!

而我自己就叫左Strawberry Push Mocktail $84
甜甜的草莓味Mocktail加上新鮮草莓,唔錯阿

右邊係menu上無既Cocktail,飲完一杯Mocktail實在唔多夠喉
所以同staff講想要一杯甜甜地易入口但要有酒味既cocktail
哈!好彩難唔到佢地,黎左一杯好似橙溝幾種味既野而成,亂嗌都唔錯wo



先來個炸蘑菇,不會炸得乾乾的仲保留左菇既汁
唔點醬就咁食已經香!炸野配埋酒一流呀~



Octopus Salad $114
平時Caesar Salad就食得多,今次試呢個Octopus Salad唔同之處在於係用翡苗
食落好青草味好清新,好口感好輕身,旁邊既Octopus都好新鮮,呢個配搭蠻特別



12 oz Galician Striploin Steak $364

Steak一向是我最愛(我是肉食者是也!)
不得不讚有超重牛肉味,而份量以厚切來說都不算少
但我自己一個也吃了3舊~看似比較生對吧?咬落肉質比較實又有咬口


 
Saffron Cream Sable Fish $254
還真是第一次藏红花配Sable Fish
魚的油份充足,肉質不鬆散口感油滑
下面更有我最愛的risotto


Dessert-Apple Crumble Opera $64
這個Apple Crumble也是女生愛吃的甜點之一,
蘋果味香外層脆,最重要是伴碟的裝飾都很加分!



草莓專頁開通喇!想關注我更多既消息?快dlike我啦^^
www.facebook.com/BerrysTalk
FB Page: Berry's Talk
這裡可以聯絡我Berry1437@hotmail.com

2015年10月26日 星期一

♥【美食】銅鑼灣霜月。網燒日本牛x 吞拿魚腩日本海膽飯 ♥

平時返工既lunch都係捱飯盒同外賣多,好開心姐妹們黎銅鑼灣搵我個lunch!
霜月地點其實唔難搵,正正就係時代廣場後一條街,
不過附近仲係未完工既地盤咁,全層都係for食中至高級既餐廳,
要搵好野食,第時呢度樓下應該會排哂大隊!

上到頂層就係霜月,呢棟大廈暫時唔多餐廳開左 所以升降機都唔洗等直上頂樓。
座位甚闊落,帶有淺色調既日式味道仲有啲吧台可以望住師傅親自料理


 
lunch方面就有十幾樣可以揀,網燒牛肉,刺身,海膽呢啲當然唔少得啦!
定食都包埋沙津麵豉湯同日式海鮮燉蛋


 
好鍾意佢個沙津既汁除左麻醬好濃郁之外
仲有好多一粒粒既芝麻豐富口感同帶到個香味出黎,咬落脆卜卜同青瓜一樣咁爽口。


 
(左)麵豉湯就不過不失,咸淡適中,味道就未到好難忘

(右)一開始睇碗都睇唔出係日式燉蛋,因為面頭多左層海鮮羹咁,
有朋友好想食個蛋但因為個羹係上面要我幫佢食哂先-_-#
對羹類唔係特別鍾意既我表示 下層個蛋係吸引過海鮮羹,
如果可以俾客人揀加唔加果層會好啲。



 
先黎既係吞拿魚腩日本海膽飯 $350
雖然呢碟係比我想像中細碟,但大堆頭海膽加分所以好快俾我地清哂,
海膽新鮮唔會有腥味唔會食落好淋身,從顏色睇都見到好靚!



另外呢碟日本牛肉網燒定食都係好鬼正!
有得揀美國牛($200) 定日本牛($400),當然二話不說揀日本牛啦,雖然係貴一個double
揀左medium熟度,唔會滲出血水之餘咬落仲非常軟腍
下面有燒汁係底,旁邊仲有青檸同沙津醬可揀選
我其實最好味係原味!第一舊先食牛本身陣味,之後先試加底下個燒汁
同點一下沙津醬都唔錯,不過同燒汁係最夾!試下唔同醬汁又好快食哂成碟了…值回票價!


 
接著都係牛肉為主,牛肉香味燒定食
同樣地有美國牛仔($140) 日本牛($380)揀,也必定首選係日本牛啦!
呢碟香味燒” 果然同名一樣燒得好香,旁邊既洋蔥炒得超香滲入牛肉汁味,更加惹味
肉質雖冇日本牛肉網燒咁啖啖肉,但呢碟更好送飯!



 
而呢盤刺身($210) 既三文魚腩魚油味好重,而且切得厚身咬落啖啖肉
而甜蝦都係我最愛之選,肉質彈牙夠鮮甜,其他就交由朋友去試了~


 
最後以紅豆、綠茶兩款雪糕作結
綠茶味不過不失,但紅豆味卻有驚喜,入面有香甜紅豆粒,紅豆味濃郁
最後把綠茶x紅豆混合,一啖綠茶一啖紅豆剛柔並濟



總結:
地點優、座位寬敞,食物水平平均來說是屬中上 個人是給80分以上!
服務方面,由於不是太多客人,所以加水點餐收碟也非常頻繁,
而且大多有2staff服務我們這台,一吃完就有人收走了。


草莓專頁開通喇!想關注我更多既消息?快dlike我啦^^
www.facebook.com/BerrysTalk
FB Page: Berry's Talk
這裡可以聯絡我Berry1437@hotmail.com

2015年10月25日 星期日

♥【美食】灣仔意大利菜。Felicita 1929 ♥


和幾位好友相約在公司附近的Felicita 1929餐廳聚聚,地點非常好找,
因為公司走路過去也只需10分鍾,超方便我,哈!


 
其實一年前已吃過這家,仲記得有點生蠔呢!


 
▲蒜蓉包

先來個香脆的蒜蓉包,夠熱,夠脆已經合格
加上很貼心地把蒜蓉塗三邊,而不是一般只輕塗一下,這點已很加分!


 
▲蟹肉沙津

下層是牛油果,上層是人手拆的蟹肉絲 拌起來牛油果軟滑的口感加上蟹肉的香味 竟然出奇地夾,也吃得出是新鮮蟹肉的彈牙口感,旁邊的沙津配以像金桔加水蜜桃汁調出來的甜甜醬汁,令到沙水津更加鮮甜又fresh!


▲墨魚汁蝦沙津
把蝦沾上墨魚汁來炸,確是第一次嘗試,外層比較硬身,
一咬下去有淡淡墨魚香味,倒是蠻有新鮮感的食法


 
▲奶油青口比較中規中矩的小吃,奶油味未算特出

 
▲龍蝦湯
不得不讚這個湯非常的足料,能吃到濃濃的龍蝦香味,
而不是一般比較水身的淡龍蝦湯,連龍蝦一絲絲的肉也清晰可見,好味到想嗌多碗阿!



 
Pepperoni Pizza
辣肉腸加上滿滿的芝士,大家都搶著要芝士較多的那塊!
咬下去確失沒有失望,批底香脆,芝士味濃,最加分竟然是在洋蔥身上……
原來爽甜的洋蔥加上去後竟會變得沒那麼膩,而有洋蔥的那種嗆口



▲比目魚
略嫌魚皮煎得不夠脆口,但幸有比目魚油搭救令每口都充滿魚油的順滑口感。
旁邊還有小量的薯角當配菜。


 

主菜方面,當然不能少Risotto果份因為意大利飯的囗感豐富,
每一粒都好有咬口,所以Risotto也是草莓常叫的一道餸!
不過都係第一次加埋藏紅花,味道帶啲辣辣地但幾過癮。




 
蘋果金寶也是非常期待的說……話哂女人有第二個胃裝甜品嘛!
不過製作甜品需時,我們也等了差不多25分鍾,
幸好我地傾住計唔多覺,但朋友趕時間走就無得食埋個甜品了


 
上面的脆脆已經充滿蘋果味,再啖啖蘋果肉一起吃,好正呀!
當有膩的時候,旁邊有雲喱嗱雪糕好讓清清口腔的膩感。


環境其實蠻舒服又唔迫人,枱數不多所以服務不錯,不停幫我們加水,
略嫌餸與餸之間的時間手可以再控制得好d,野食水準不錯。



草莓專頁開通喇!想關注我更多既消息?快dlike我啦^^
www.facebook.com/BerrysTalk
FB Page: Berry's Talk
這裡可以聯絡我Berry1437@hotmail.com