2015年9月18日 星期五

♥【美食】意大利菜。尖沙咀河內道小店 Petit Deli ♥

尖沙咀搵食當然大把地方好選擇,走去厚福街果度已經一堆餐廳
朋友唔講都唔知原來係K11附近有間餐廳叫Petit Deli都唔錯,咁就黎一試啦
座位都算闊落,有一排有梳化既卡位,環境偏昏暗幾有氣氛


 
自家制香草包 HKD48
唔係好多餐廳會自己整包,所以呢點的確幾加分
話說自己都幾鍾意食包嘅同時都好鍾意大量牛油伴住黎送,
略嫌舊牛油細過一粒方糖size 俾得太少唔係幾夠塗,不過個包係幾香香草味同幾軟熟。


呢度個MENU係用IPAD黎睇,SHOW出黎既相係幾吸引

柚子梳打 HKD48
終於等齊朋友就嗌野飲啦,我就揀左今日Special Drink柚子梳打
要搞勻佢先飲得,呢杯都幾好像既不過梳打味好勁所以比較嗆喉
見朋友叫既milk shake 都好似好正咁,下次可以試下其他款


白酒忌廉煮青口HKD78

燒青口 HKD108

相比起燒同白酒忌廉煮法唔同,我自己就鍾意白酒忌廉果隻,
因為忌廉味濃郁帶小小白酒香味,唔會俾酒搶哂陣味。
燒青口的確好難燒得唔好食,所以不過不失丫,屬穩陣之選。
餐廳選用既青口size都好大隻同夠新鮮!


黑松露野菌Pizza HKD118

呢個好味好鍾意佢好香既黑松露味同好多大大粒而唔同種類既菇係上面,
女仔都比較驚好油膩既pizza, 呢個食2塊都唔覺好油,
仲好想食多一塊tim..haha,超推薦呢個! 如果個批底再整得脆D會更加正


Pizza上有滿滿的雜菇,絕對唔會要你單咬個皮咁慘慘豬
加埋芝士粉更加不得了呀喂!



辣羊肉Pizza HKD148

當大家以後黑松露好味到唔洗試第個pizza既同時,
有朋友試左兩啖話幾有驚喜,一試之下有淡淡既羊肉味,
因為醬汁都比較濃又辣辣地幾惹味,剛好蓋過左好多人都驚果陣騷味。


黑啤美國豬扒 HKD178

其實本人唔係特別鐘意食豬扒,所以只係小嘗左兩啖
焦的非常吸引,切開後雖然豬扒看似好乾無咩肥膏既部份
但咬落無想像中咁乾身,整體都合格既 但有得揀我會想食牛多d


菠菜三文魚蟹籽闊條麵 HKD168
超推薦呢道菠菜闊條麵,自家製菠菜味闊麵唔會好淡味要靠汁去送,
因為本身都帶咸咸地香濃得黎帶忌廉味,曲曲地既麵掛汁力
每啖都有好多既汁伴埋,麵質幾好咬口很Q彈,
最後連細細粒既三文魚都清哂 無嘥野

香蒜海鮮配自家制甘荀闊麵 HKD218

可能係先食左個菠菜闊麵已經拎左滿分,呢個最多係80分,
呢個相對係無咁得我心,可能個汁陣味我唔太鐘意,不過它們自家製既麵條係幾有質素


 
▲朱古力慕絲 HKD68、意大利芝士餅 Tiramisu HKD68

用上精緻的高杯放入甜品的確賣相幾好,首先講講朱古力慕絲,
身邊既朋友佢好鐘意食朱古力,都大讚好味,不過我對濃濃既朱古力就普通
朱古力味係香濃,不過我自己覺得苦左小小所以上面既草莓岩我多D
慕絲都做得幾滑,純粹係我唔鐘意食唔夠甜既朱古力姐~

不過另外一款Tiramisu就好好味~佢上面既忌廉芝士cream打得好滑同好香
有特濃咖啡係底,一啖cream味一啖咖啡味,好夾!
不過呢道係偏甜小小,正正係我杯茶!


總結:
Petit Deli雖然實屬小店,不過裝潢幾別致都幾加分
牆身有好多手繪風既圖,幾鐘意佢既水杯每隻都有唔同特色
店員都好nice黎推介有咩當時有咩特色野飲or野食



草莓專頁開通喇!想關注我更多既消息?快dlike我啦^^
www.facebook.com/BerrysTalk
FB Page: Berry's Talk
這裡可以聯絡我Berry1437@hotmail.com

沒有留言:

張貼留言