草莓一向買衫都選擇平價的地方～一直深信女仔既衫都只係著１季／幾季（某ｄ款）
所以平時出街既衫都唔會過HKD２００ TEE就限自己買HKD１００以內～
畢業自己還是個學生～能力有限！
所以花園街這些地方都是我尋寶地方～不過呢幾個月都冇點去買衫～
因為旺角Ｄ衫Ｄ款好似間間都差唔多咁～選擇不多～
所以而家寧願去遠Ｄ揀Ｄ岩心水既衫～
以前試過淘寶買衫～送到返黎同自己心目中差好遠。。什至有Ｄ衫係著唔到
因為太細件～有時Ｄ裙送到返黎又太短。。總知就係冇得見到實物同摸到既感覺差好遠
所以而家買衫都係自己度過岩身，長度又岩先買。。
草莓一直都好鐘意去葵芳行街食野同買衫～
因為入面有好多小食，食極都唔完咁ＸＤ
今次為大家介紹既衫都係葵涌廣場到買嫁～
廢話小講～可能大家都經常係果到買衫ＸＤ
（１）韓系淺綠蕾絲小洋裝 ＨＫＤ５９
草莓一直想買韓系既衫～無奈地～一直都找不到心水～
今次見到呢一件只要ＨＫＤ５９！立即心動！
心想。。如果只係著幾次都抵返哂～佢共有２色
淺綠同埋淺粉～草莓好想挑戰粉色系阿ＸＤ
蕾絲的手工也不錯～看似來不像ＨＫＤ５９的貨耶～
（２）蝴蝶結蕾絲花邊連身裙 ＨＫＤ１１８
這件連身裙簡直是大愛～草莓媽媽也超讚這件～～
可能媽媽是喜歡我打扮得不太成熟的樣子吧ＸＤ
這件連身裙的質料很好～上身係棉質（同普通TEE一樣)
下面的蕾絲也做得好好～唔係透果種～仲有１層打底 ２層蕾絲TIM！
重點係。。長度岩岩好！有好多連身裙一著左上身會太短。。
加襪褲又唔係，唔加襪褲又唔係。。好難搵到岩心水岩價錢岩款式嫁>"<
（３）淺藍色波點海軍風Tee ＨＫＤ７９
呢一件Tee 草莓早1個月已經見到好想買～
無奈男友一直話個草莓個肩膀太橫～怕著唔到。。所以冇買（飲恨！）
今次去到仲見到呢件有得買～問一問個sales～原來呢件係冇肩膀條線～所以唔怕
諗都唔諗就買左佢喇ＸＤ
因為自己好鐘意呢隻淺藍海軍風～不失可愛！仲有波點ｔｉｍ～
重點係。。呢一間買２件有９５折～買３件有９折！！
折左之後，草莓放低左ＨＫＤ２３０就買左３件衫喇～
呢３件衫就係呢一間買嫁喇～一黎葵涌廣場草莓一定會黎呢間
因為Ｄ款幾特別～有Ｄ款仲要係佢地設計～而且裙既長度好岩草莓身～
價錢又唔貴～值得推介！次次黎行都實有收獲的說ＸＤ
第二間值得推介既係。。。。
佢旺角都有分店～草莓都經常去買佢ｄ衫～有ｄ衫草莓都出過文嫁～舊文在此：
（４）成熟系花邊袖黑色連身裙 ＨＫＤ１４０
呢件係男友送既～佢話我出街衫太多。。不過就支持我買一ｄ返工可以著既衫
仲同實際既行動黎支持我～就係送呢件俾我ＸＤ
我自己就好鐘意旁邊既花邊～因為自己膀橫～好少著吊帶同背心同露手脾既衫
呢件既花邊就岩岩好～
草莓覺得單一件黑色連身裙有點單調
自己加上藍色絲巾作裝飾
呢條藍色絲巾已經出現過數次ＸＤ
＊呢件連身裙都係係第二間草莓介紹既店鋪買ＸＤ
有２個用法～唔知大家鐘意邊個多Ｄ呢～
可以ＣＯＯＬ係條頸同埋當粗BELT咁用～
旁邊的花邊都做得幾好～
（５）淺粉通花粗皮帶 ＨＫＤ８９
已經唔記得係邊到買～只係記得都係葵涌廣場買～覺得幾易襯同幾靚就下手了！
求其搵件衫襯下先～呢條BELT配襯黑色/白色衫都OK～
小插曲：草莓同男友經過一間鋪頭睇緊入面既飾物時～
入面既職員問：Ｅ。。你係咪草莓呀？我有睇你個Blog嫁～我今朝先睇完你個blog
草莓有點傻眼帶點開心～沒想到竟然俾人點相@O@ 傾完之後竟然得知佢唔係Blogger～
而係係Discuss台灣旅遊區到睇過草莓既台灣遊記而認識草莓而慢慢開始睇草莓既beauty文～
真係好開心呢：）原來有人支持自己既文～～我會努力的說！
ＢＴＷ當日去葵涌廣場仲食左乳酪雪糕同芝士麵～好好味呀ＸＤ
我平時鐘意食日之船多Ｄ～不過葵涌廣場入面有幾間賣珍珠奶茶既鋪頭價錢平得驚人
ＨＫＤ１２ 有２杯～不過味道就。。見人見智ＸＤ
唔知大家最鐘意係邊一套衫呢???
最近新文：
♥ Affirm激光的厲害!! 醜幾天也值得!【實打篇+超長皮膚驗收篇】♥
♥ 書展大收獲!! 訂雜誌會令人上癮的不管是男或女!! 【附禮物照】♥
希望你們會鐘意草莓的文~ 喜歡的話請給一個推和留言吧 :)
你們的支持才是草莓出文的動力呢~
ＬＯＶＥ ＹＯＵ ＡＬＬ
沒有留言:
張貼留言